Астана салықтарының негізгі бөлігін шағын және орта бизнес төлейді

Астана салықтарының негізгі бөлігін шағын және орта бизнес төлейді – ҰКП

04 Апреля 2016 1940 Астана, салықтар, шағынжәнеортабизнес

Алматы. 4 сәуір. Ақпараттар орталығы. Бүгінгі таңда ШОБ субъектілерінің қызметінен қала салығының 65% түседі, деді «Elorda Business Forum» форумындағы сөзінде Астананың кәсіпкерлер палатасының директоры Ғани Тасмағамбетов.

«Қазақстанның басқа қалаларымен салыстырғанда нақ осы елордада шағын және орта бизнес жақсы дамыған. Қазіргі таңда ШОБ субъектілерінің нысанынан қала салығының 65% түседі», - деді Ғ. Тасмағанбетов, «Elorda Business Forum» форумындағы сөзінде.

Оның айтуынша, Астанаға елдің барлық инновациялық өнімінің бесінші бөлігі тиесілі. Мәселен, қалада «Астана Опера» опера және балет театрына билеттерді автоматтандырылған онлайн-сату жобасы іске асырылған.

Сонымен қатар, «Бизнестің жол картасы – 2020» аясында 3 млрд теңге көлемінде жобаларды жыл сайын қаржыландырудан басқа, Астана әкімдігі қосымша қаржы бөлу мүмкіндігін тауып жатады. Мәселен, былтыр ZhasStarT жастар кәсіпкерлігін қолдауға және сауда саласын нақты несиелеуге сәйкесінше 600 млн және 1,6 млрд теңге қаржы бөлді. Биыл осы бағдарламалар бойынша қосымша тағы да 300 млн теңгеден бөлінеді.

Жақында Астана әкімдігі мен «Даму» қоры елорданың стартап-жобаларын қолдау үшін тағы 2 млрд теңге бөлу туралы меморандумға қол қойды.

«Аталмыш шара жаңалық болып табылады және тек елордада ғана енгізіліп жатыр. Қаржы екінші жартыжылдықтан бастап бөлінеді. Біз аталмыш құрал ісін жаңа бастап жатқан кәсіпкерлер тарапынан сұранысқа ие болатынына сенімдіміз», - деді елордалық Кәсіпкерлер палатасының директоры.